Momente tmerri kanë përjetuar 216 pasagjerë në bordin e një avioni të British Airways që po fluturonte me shpejtësi mbi 300 km/h mbi Londër, teksa rrezikoi të përplaset me një dron ilegal që ndodhej vetëm 18 metër larg.

Përplasja mund të kishte ndodhur mbi Windsor menjëherë pasi Boeing 787 Dreamliner me destinacion final Montrealin, u ngrit në fluturim nga aeroporti i Heathrow.

Sipas raportit të Bordit të Airprox në Mbretërinë e Bashkuar, piloti e vuri re dronin në shtegun e fluturimit të avionit në lartësinë 914 mbi tokë.

“Ishte e dukshme se droni ishte shumë afër dhe do të kalonte poshtë avionit në të majtë të tyre. Droni ishte i bardhë, me shumë mbështetëse, por pa drita”, thuhet në raport.

Raporti e vlerësoi atë si një incident të kategorisë A, që do të thotë se kishte një rrezik serioz për një përplasje dhe këtë e ka konfirmuar edhe piloti.

Kontrollorët e trafikut ajror konfirmuan se piloti kishte transmetuar me radio se ata kishin kaluar shumë pranë një droni. UKAB, e cila vlerëson terrenin në hapësirën ajrore të Mbretërisë së Bashkuar, konstatoi: "Sipas mendimit të Bordit, lartësia e raportuar dhe/ose përshkrimi i objektit ishin të mjaftueshme për të treguar se mund të ishte një dron. Bordi konsideroi se rrëfimi i përgjithshëm i pilotit për incidentin portretizonte një situatë ku kujdesi kishte luajtur një rol të madh në incident dhe/ose ekzistonte një rrezik i caktuar përplasjeje."

Ndërkohë, besohet se droni ishte ngritur në ajër nga dikush që po përpiqej të regjistronte një video dramatike të një avioni në fluturim e sipër. Ekspertët e aviacionit kanë paralajmëruar prej kohësh për rrezikun që dronët mund të dëmtojnë dritaret e kabinës ose motorët e avionëve me rezultate të mundshme katastrofike.