Deputetja Sandrine Josso ka dhënë dëshminë e saj të parë publike që kur akuzoi një ligjvënës tjetër se e drogoi

Ligjvënësi francez Joel Guerriau u ndalua për 48 orë të premten nga policia dhe iu bë akuza paraprake se kishte droguar një deputete me qëllim përdhunimin ose sulmin seksual.

Më pak se një javë pas incidentit të dyshuar, ligjvënësja në fjalë Sandrine Josso tha për kanalin televiziv France 5 se " kishte ndier instinktin e nevojshëm të mbijetesës".

Incidenti i dyshuar ndodhi të martën në mbrëmje në shtëpinë e senatorit.

Josso, një anëtare e Dhomës së Ulët të parlamentit që përfaqëson rajonin Loire-Atlantique me partinë centriste Modem, tha se ajo shkoi "me besim" dhe "miqësi" për të festuar rizgjedhjen e kolegut të saj, Guerriau, i cili gjithashtu përfaqëson rajonin Loire.

Josso tha se 66-vjeçari Guerriau ishte "një mik prej dhjetë vjetësh" i cili vazhdimisht "ngulte këmbë" të ngrinin dolli me shampanjë disa herë, e cila, siç vuri në dukje ajo, seç kishte një shije "të ëmbël" të pazakontë.

Deputetja tha se ishte e habitur edhe që Guerriau po luante me ndriçuesin e dritës në dhomën e ndenjes.

“Ai e ndezi dritën shumë fort, pastaj e uli atë”.

Mjekët në spitalin Lariboisière ku ajo përfundoi duke kaluar natën më vonë i shpjeguan asaj se teknika dihet se "shton efektivitetin e ilaçit".

E pushtuar nga "rrahje zemre" dhe "djersitje", Josso tha se ajo e pa kolegun që e mirëpriti të vinte "një qese të bardhë nën banak" në kuzhinë. Policia më pas gjeti ekstazi aty gjatë kontrollit.

Në atë moment Josso tha se ajo "e kuptoi" se ishte "tashmë nën ndikimin e drogës... këmbët e mia po dridheshin," vazhdoi ajo.

Ajo arriti të porosiste një taksi por kuptoi që Guerriau e kishte ndjekur "në ashensor, në oborr deri te taksia".

“Isha në panik, zemra po më rrihte... Ndihesha sikur po pësoja një atak në zemër”, tha Josso, duke shtuar se ajo është ende “në post-traumë” dhe “hov gjatë gjithë kohës”.

Josso thotë se ajo tani dëshiron ta bëjë rastin e saj një shembull: "Ne të gjithë mund të vuajmë atë që kam vuajtur" dhe është "detyra ime të rris ndërgjegjësimin", por gjithashtu "të nxis qeverinë të bëjë diçka për këtë plagë" , nënshtrim prej substancave kimike.

Sa për sulmuesin e saj të dyshuar, ajo tha se "nuk më intereson ai, ai bën atë që duhet të bëjë," tha ajo.

Avokati i tij tha se Guerriau nuk kishte ndërmend ta drogonte kolegen Josso për të abuzuar me të dhe i ka kërkuar falje. Në një deklaratë, avokati Remi-Pierre Drai tha se "ishte një gabim në trajtim" që bëri që ligjvënësja të sëmurej. Ai nuk dha detaje.

"Joel Guerriau nuk është një grabitqar," tha avokati. "Ai është një njeri i ndershëm, i respektuar dhe i nderuar që do ta rivendosë nderin e tij dhe të familjes së tij sado kohë që të duhet."

Akuzat paraprake sipas ligjit francez nënkuptojnë se gjyqtarët hetues kanë arsye të forta për të dyshuar për keqbërje, por lenë më shumë kohë përpara se të përcaktojnë nëse do të dërgojnë një çështje në gjyq.

Pas shpalljes së akuzave, grupi politik i qendrës së djathtë Horizons njoftoi pezullimin e tij, duke thënë se "nuk do të tolerojë kurrë as vetëkënaqësinë më të vogël ndaj dhunës seksuale dhe seksiste".

Horizons është aleat në parlament me partinë Renaissance së presidentit Emmanuel Macron./ar.sh/SYRI.NET