Mes gjeneratës së ardhshme të mbretërve të rinj evropianë, princesha Leonor e Spanjës ka parë që popullariteti i saj u rrit kur sapo mbushi 18 vjeçe.

Në një gjest që u bë viral, princesha Leonor e Spanjës theu protokollin më 12 tetor.

Në kremtimin e festës kombëtare të Spanjës, princeshës iu bë një surprizë nga shokët e saj të klasës, nga Akademia Ushtarake ku sapo ishte diplomuar.

Ndërsa kamerat rrotulloheshin, një nga kadetët i tha princeshës: "Sa bukur dukesh, Borbón", një kompliment që solli të qeshura nga mbreti Felipe dhe mbretëresha Letizia dhe një buzëqeshje bashkëpunimi nga Leonor.

Në atë moment aq të natyrshëm dhe njerëzor, ajo mund të kishte qenë çdo adoleshente, por Leonor de Borbón rrallëherë është parë të thyejë protokollin.

Që nga ai moment, e gjithë Spanja i ka kushtuar më shumë vëmendje lëvizjes së një princeshe të destinuar të bëhet mbretëresha e parë e Spanjës në epokën moderne.

Në ditëlindjen e saj të 18-të të martën, kur do të betohet për besnikëri ndaj Kushtetutës, popullariteti i saj është rritur dhe Spanja është kapluar nga 'Leonor-mania'.

Por rritja e popullaritetit të saj ka bërë që disa njerëz të pyesin nëse princesha është thjesht e bekuar me sharmin natyror, apo nëse sjellja e saj është e gjitha pjesë e një plani për të krijuar mbretëreshën perfekte.

A ekziston diçka e tillë si 'Leonor-mania'?

Me fytyrën e saj të pafajshme, sytë blu dhe buzëqeshjen e përhershme, princesha Leonor ka arritur të fitojë zemrat e popullit spanjoll.

Madje, ajo ia ka dalë të rinovojë imazhin e shtëpisë mbretërore dhe të shuajë disa nga zërat kritikë ndaj veprimeve të gjyshit të saj kontrovers, ish-mbretit Juan Carlos.

Ekspedita e mbretit në pension për gjuetinë e elefantëve, sasia e tij sekrete e parave në Zvicër dhe padia për ngacmim e ngritur nga ish-e dashura e tij Corinna Larsen shkaktuan rënien e popullaritetit të tij, duke zvarritur edhekurorën me vete.

Megjithatë, Leonor ka mundur ta pajtojë spanjollen me kurorën.

Ndërsa është e vështirë të dihet niveli i mbështetjes për princeshën, pasi Qendra Spanjolle e Kërkimeve Sociologjike nuk ka bërë anketë  për familjen mbretërore që nga viti 2015, ka barometra të tjerë privatë që interesohen për këtë pyetje.

E fundit prej tyre, e botuar këtë javë në gazetën El Español, e rendit princeshën e re si anëtaren më të njohur të familjes mbretërore, duke ia kaluar edhe babait të saj Felipe VI, mbreti aktual i Spanjës.

Shumë spanjollë po i nënshtrohen “Leonormania” dhe disa ekspertë sugjerojnë se suksesi i saj është për faktin se ka kaq shumë vite jashtë vëmendjes. Mungesa e njohurive për Leonor do të thotë që tani të gjithë duan të dinë se kush është ajo.

"Familja mbretërore ka pasur kohën e duhur. Ndërsa studionte, princesha ishte shumë e rezervuar në paraqitjet e saj," tha për Euronews Fernando Rayón, gazetar dhe profesor i informacionit politik në Universitetin CEU San Pablo.

"Megjithatë, pas akademisë ushtarake dhe gati të mbushë 18 vjeç, është shfaqur një Leonorë e re, më e pjekur dhe e veshur si ushtare. Një imazh mjaft i mrekullueshëm," shton ai. Për ekspertin, ngazëllimi që rrethon Leonor nuk është një opinion, por një fakt.