Abigail Edan është vetëm 3 vjeçe, por kur militantët e Hamasit sulmuan kibucin e saj, Kfar Azza më 7 tetor dhe vranë prindërit e saj, ajo dinte aq sa të vraponte te një fqinj për t'u fshehur.

Familja Brodutch - nëna Hagar dhe tre fëmijët e saj - e pranuan Abigail-in ndërkohë që vala e tërbimit ishte ndezur. Më pas të pesë u zhdukën dhe më vonë u konfirmua nga qeveria se ishin robër të Hamasit, ndër më shumë se 200 personat e tërhequr zvarrë në Gaza në ditën më të përgjakshme të Izraelit. njofton AP.

Makthi që po përjetojnë zgjuar i ka zhytur familjet e robërve në një harresë të mjegullt, të ndryshme nga pikëllimi, edhe pse Izraeli mban zi për më shumë se 1400 njerëz të vrarë nga militantët. Familjet e rreth 30 fëmijëve të marrë peng nga Izraeli përshkruajnë një agoni më të hollë, të përhumbur nga fakti  se të dashurit e tyre të robëruar janë të pambrojtur.

"Ajo është një foshnjë, vetëm 3 vjeçe dhe është krejt vetëm," tha tezja e Abigail, Tal Edan, në një intervistë telefonike, me zërin e saj të dridhur. “Ndoshta ajo ishte me një fqinj, por nuk e di nëse janë ende bashkë. Ajo nuk ka njeri.”

Fëmijët si në Izrael ashtu edhe në Gaza kanë zënë një pjesë të madhe të numrit të viktimave nga masakra e Hamasit dhe intensifikimi i bombardimeve izraelite, një rrymë e fshehtë midis tragjedive.

Gati gjysma e 2,3 milionë banorëve të Gazës janë fëmijë. Ministria e Shëndetësisë e drejtuar nga Hamasi raportoi të enjten se numri i përgjithshëm i vdekjeve ka kaluar mbi 7,000 palestinezë, përfshirë 2,913 të mitur. Më shumë se 800 fëmijë në Gaza mbeten të zhdukur.

Marrja peng i civilëve është një krim lufte sipas Konventave të Gjenevës.

Por marrja e fëmijëve peng në një luftë pothuajse nuk bëhet kurrë, tha Danielle Gilbert, asistente profesore e shkencave politike në Universitetin Northëestern, e cila ka intervistuar qindra rrëmbyes dhe pengje në vende të ndryshme.

Arsyetimi është brutal: rrëmbyesit shohin vlerë te pengjet e gjalla, zakonisht te meshkujt e moshës 18 deri në 65 vjeç kurse fëmijët kanë më pak gjasa t'i mbijetojnë sprovës./ar.sh/SYRI.NET