Shefi i diplomacisë turke, Hakan Fidan, u takua me liderin e Hamasit, Ismail Haniyeh.

Gjatë takimit të tij, ata diskutuan zhvillimet në Rripin e Gazës dhe mënyrat për të ndaluar sulmet izraelite dhe për të ofruar ndihmë humanitare për popullin palestinez.

Vihet re se Hakan Fidan është një bashkëpunëtor i ngushtë i presidentit turk, i cili ka qenë kreu i MIT në Turqi dhe tani si ministër i Jashtëm.

Sipas Hamasit, gjatë takimit, Haniyeh përgëzoi presidentin turk Rexhep Tajip Erdogan për deklaratat e tij në lidhje me organizatën. Ai shprehu gjithashtu vlerësimin e tij për përpjekjet e Turqisë për të ndihmuar popullin palestinez.

Duke theksuar se komuniteti ndërkombëtar duhet të mbajë mbi supe përgjegjësinë e tij humanitare kundër krimeve të luftës të Izraelit dhe akteve të urryera të hakmarrjes kundër popullsisë civile, Haniyeh theksoi se ajo që Izraeli po bën është një masë për të eliminuar efektet e disfatës.

Haniyeh theksoi vendosmërinë e popullit palestinez dhe nënvizoi nevojën për t’i rezistuar politikës izraelite për vrasje dhe shpërngulje.

Hakan Fidan, nga ana e tij, tha se vendi i tij mbështet çështjen palestineze dhe se sulmet e Izraelit ndaj Gazës janë të papranueshme. Duke vënë në dukje se palestinezëve duhet t’u jepet ndihma urgjente dhe se ajo që po ndodh duhet të ndalet sa më parë, Fidan shtoi se duhet të diskutohet një zgjidhje politike e problemit palestinez në mënyrë që palestinezët të rivendosin të drejtat e tyre.

Së fundi, ai paralajmëroi për rreziqet që mund të lindin nëse konflikti përshkallëzohej në të gjithë rajonin.