Nga Jean Mackenzie, BBC

Gjatë takimit të sotëm Kim i tha Putinit se ata "do të qëndrojnë së bashku në luftën kundër imperializmit".

Por çfarë do të thotë imperializëm në këtë kontekst?

Për Korenë e Veriut, kjo do të thotë një gjë: Shtetet e Bashkuara.

Ajo e sheh SHBA-në si një ngacmues imperialist, i cili përpiqet të pushtojë vende të tjera - përfshirë dhe Korenë e Veriut - për të pastruar botën nga diktatorët me armë bërthamore, të gjitha nën maskën e krijimit të paqes.

Ai daton "politikën e jashtme imperialiste" të Amerikës që nga tregtia e skllevërve dhe më pas në Luftën Koreane - në të cilën u vra rreth 20% e popullsisë së Koresë së Veriut.

Në realitet, Lufta Koreane filloi kur Veriu pushtoi Jugun dhe SHBA-të erdhën në mbrojtje të Koresë së Jugut.

Por liderët e njëpasnjëshëm të Koresë së Veriut kanë vënë në dukje fushatat intensive të bombardimeve të SHBA-së që fshinë shumë qytete në Veri.

Në një tubim kundër SHBA-së në Phenian këtë verë, njerëzit mbanin pankarta të zbukuruara me sloganin: "SHBA-ja imperialiste është shkatërruesi i paqes".