Qeveria e Mbretërisë së Bashkuar po bën kërkime se si është krijuar pluhuri i majmunit, një drogë që thuhet se mund të shkaktojë halucinacione dhe psikozë, një substancë e klasit A.

Qyteti i Stoke-on-Trent, i vendosur në Anglinë Qendrore, është bërë i njohur si një pikë e nxehtë për një drogë të quajtur "pluhuri i majmunit", me banorët që po bëhen gjithnjë e më të frustruar për situatën.

Ndërsa pushtetarët vendorë po grumbullojnë para në kërkime për të trajtuar këtë çështje, ka pasur bisedime këtë vit në Mbretërinë e Bashkuar për rishikimin e ndikimit të drogës në shëndetin e njerëzve, ndërkohë që efektet e saj po pushtojnë titujt e gazetave.

Ekspertët thonë se droga është kapur në sasi të mëdha edhe gjetkë në Evropë.

Çfarë është pluhuri i majmunit?

Pluhuri i majmunit, i referuar edhe si "pluhuri zombie", është një zhargon i përdorur në Mbretërinë e Bashkuar për drogën stimuluese.

Është e prodhuar nga katinone të ndryshme sintetike (të ngjashme me amfetaminat), të cilat përshpejtojnë mesazhet midis trurit dhe trupit.

Pluhuri i majmunit është një drogë e lirë, që thuhet se shitet për rreth 20 paund (23 euro) për gram dhe provokon efekte të ngjashme me kokainën dhe MDMA.

I është rritur popullariteti pasi është më e lirë dhe shkakton dehje më të larta se barnat e tjera.

Shitet në formën e një pluhuri të bardhë, përdoruesit e thithin, e tymosin ose e injektojnë drogën.

Çdo grup i drogës është i ndryshëm, duke e bërë të vështirë të dihet se çfarë përmban në të vërtetë.

Një media lokale në Mbretërinë e Bashkuar raportoi se droga besohet të jetë importuar nga Kina.

Si ndikon 'pluhuri i majmunit' te përdoruesit?

"Është një mit që pluhuri i majmunit i bën njerëzit si zombie, megjithatë, ai mund t'i bëjë ata impulsivë dhe të çrregullt," tha për Euroneës Next, Nuno Albuquerque, një këshilltar për varësitë në Qendrën e Trajtimit të Varësive në Mbretërinë e Bashkuar.

“Përdoruesit mund të ndihen sikur kanë superfuqi dhe përjetojnë një rritje të adrenalinës,” shtoi ai.

Përdoruesit e pluhurit të majmunëve raportohet gjithashtu se përjetojnë efekte anësore të paranojës dhe trazim të shtuar, të cilat mund të çojnë në sjellje të dhunshme.

Droga është përdorur nga individë që vuajnë nga varësia e tërthortë.

"Kam parë pacientë që marrin pluhur majmuni së bashku me amfetaminat e tjera, disa kanë gjithashtu varësi ndaj seksit," tha Albuquerque./ar.sh/SYRI.NET