Hamasi tha se po studionte të shtunën propozimin më të fundit izraelit në lidhje me një armëpushim të mundshëm në Gaza, një ditë pasi një delegacion nga ndërmjetësi Egjipti thuhet se mbërriti në Izrael në një përpjekje për të nisur negociatat e ngecura. Kjo vjen pasi dëshmitarët në Gazën e rrethuar raportuan sulme të reja izraelite gjatë natës së së shtunës rreth Rafahut, ku janë strehuar më shumë se një milion palestinezë..

Delegacioni nga Egjipti- ndërmjetës shkon në Izrael për bisedimet e armëpushimit në Gaza

Një delegacion nga Egjipti ndërmjetës mbërriti në Izrael të premten në  përpjekje për të rindezur negociatat e ngecura për një armëpushim në luftën e Gazës duke përfshirë lirimin e mundshëm të pengjeve, raportuan mediat izraelite dhe egjiptiane.

Hamasi tha se po studionte të shtunën kundërpropozimin më të fundit izraelit në lidhje me një armëpushim të mundshëm në Gaza, një ditë pasi delegacioni egjiptian mbërriti për të nisur negociatat. Gazetari i AP Jon Gambrell thotë se kjo është një "përpjekje e fundit kundër një ofensive të mundshme tokësore izraelite në Rafah".

Hamasi tha se do ta shqyrtojë propozimin përpara se të dorëzojë përgjigjen e vet, tha zëvendës shefi i grupit në Gaza, Khalil Al-Hayya.

Të paktën 34,388 palestinezë janë vrarë dhe rreth 77,437 janë plagosur në ofensivën ushtarake të Izraelit në Gaza, sipas ministrisë së shëndetësisë në territorin e drejtuar nga Hamasi. Rreth 1,170 njerëz u vranë në sulmet e 7 tetorit të udhëhequr nga Hamasi që ndezën luftën dhe 250 njerëz u morën peng, sipas shifrave izraelite, me 132 ende të zhdukur.