Anëtarët e forcës mercenare  thuhet se u zhvendosën në Bjellorusi pas rebelimit të dështuar të liderit të saj Yevgeny Prigozhin në qershor.

Alexander Lukashenko tha të premten se grupi mercenar rus Ëagner do të qëndrojë në Bjellorusi, pa specifikuar qëllimin e tyre apo sa kohë do të qëndrojnë.

"Wagner është gjallë dhe Wagner do të jetojë në Bjellorusi", pohoi presidenti bjellorus, duke thënë se zemra e kësaj force do të vazhdojë sipas skemës që ndërtoi lideri i saj.

Shefi i Ëagner, Yevgeny Prigozhin besohet të ketë vdekur në një aksident avioni të mërkurën, mes spekulimeve se Kremlini qëndron pas incidentit.

Të 10 personat në bord, duke përfshirë disa figura të tjera të larta të Wagner-it, me sa duket vdiqën pasi avioni privat u rrëzua në veri të Moskës.

Lukashenko tha se nuk besonte se homologu i tij rus kishte dhënë urdhër për të vrarë Prigozhin, megjithëse "nuk ishte në gjendje të thoshte" se kush ishte përgjegjës.

"Unë e njoh [Vladimir] Putinin," tha Llukashenko, cituar nga agjencia shtetërore e lajmeve Belta. “Ai është një njeri i zhytur në mendime, shumë i qetë... Nuk mund ta imagjinoj se ishte ai që e bëri këtë”.

Përplasja ishte "shumë brutale dhe amatore", vazhdoi presidenti bjellorus, duke njoftuar dhe planin e tij për t’i mbajtur 10,000 mercenarët në Bjellorusi.

Moska i është kundërpërgjigjur pretendimeve se urdhëroi vrasjen e Prigozhin, i cili nisi një kryengritje për të rrëzuar një institucion ushtarak që ai e shihte si të paaftë.

“Është një gënjeshtër absolute”, tha të premten zëdhënësi i Kremlinit Dmitry Peskov, duke mohuar akuzat e zyrtarëve perëndimorë se Putini e ka orkestruar incidentin.

"Ne duhet t'i qasemi këtij problemi bazuar në fakte," shtoi ai.

Autoritetet ruse kanë thënë se shkaku i rrëzimit është nën hetim.

Ndërkohë, Putin nënshkroi të premten një dekret që kërkon që trupat e tij të betohen në Rusi, siç bëjnë ushtarët e rregullt të ushtrisë.

Sipas këtij dekreti të detajuar në faqen e internetit të qeverisë, ata duhet të betohen për "besnikëri" dhe "bindje" ndaj shtetit dhe "të zbatojnë me rigorozitet urdhrat e komandantëve dhe eprorëve".

Instituti për Studimin e Luftës argumentoi se autoritetet ruse ka të ngjarë të lëvizin kundër Prigozhin dhe bashkëpunëtorëve të tij kryesorë si "hapi i fundit për të eliminuar Ëagnerin si një organizatë e pavarur".

Më 24 qershor, Prigozhin udhëhoqi një rebelim jetëshkurtër kundër Kremlinit, të cilin udhëheqësi rus e denoncoi si "tradhti" dhe "thikë pas shpine", duke u zotuar se do të hakmerrej për të.

Akuzat kundër Prigozhin u hoqën shpejt në një marrëveshje të fshehtë që e mërgoi forcën mercenare në Bjellorusi, me aleatin afatgjatë të Putinit, Llukashenko, duke vepruar si ndërmjetës.