Romë – Italia shpalli të mërkurën disa masa për të ndihmuar familjet dhe bizneset e goditura nga ngjarjet ekstreme klimatike, teksa vendi po lëkundet nga një valë të nxehti në jug dhe stuhi të ashpra në veri.

Qeveria e krahut të djathtë e Giorgia Meloni-t miratoi një dekret për të ndihmuar firmat e ndërtimit dhe bujqësore të mbajnë punonjësit në shtëpi në zonat me temperatura shumë të larta.

Sipas rregulloreve ekzistuese italiane, kompanitë mund të aplikojnë për pushime të përkohshme nga puna - zakonisht për t'u marrë me një rënie në biznes - për jo më shumë se 52 javë në dy vjet, ose 90 ditë në vit në sektorin bujqësor.

Dekreti lejon kompanitë e ndërtimit dhe bujqësore, të dyja të goditura rëndë nga vala e të nxehtit për shkak se punëtorët e tyre nuk mund të punojnë nga shtëpia, të përdorin instrumentin pa llogaritur orët në kufijtë e përgjithshëm.

"Masa do të jetë e vlefshme për këtë vit," tha Ministrja e Punës Marina Calderone pas një takimi të kabinetit në mbrëmje.

Një draft i parë nga Reuters tregoi se dekreti kishte një kosto prej 10 milionë euro (11.09 milionë dollarë) për arkën e shtetit.

Vala e të nxehtit në pjesën më të madhe të jugut shkaktoi një dëm veçanërisht të rëndë në ishullin e Siçilisë, i cili u shkatërrua nga zjarret që vranë tre persona.

Katania, poshtë malit Etna në Sicilinë lindore, është goditur nga ndërprerjet e furnizimit me energji dhe ujë, për të cilat zyrtarët lokalë fajësuan pjesërisht të nxehtin.

Qyteti është gjithashtu duke luftuar për të funksionalizuar plotësisht aeroportin e tij pasi një zjarr në fillim të javës së kaluar shkaktoi ndërprerje masive dhe të vazhdueshme.