Zonja e parë e Sirisë, Asma al-Assad, është diagnostikuar me leucemi, tha presidenca siriane të martën, pothuajse pesë vjet pasi ajo njoftoi se ishte shëruar plotësisht nga kanceri i gjirit.

Sipas deklaratës, Asma, 48 vjeçe, do t'i nënshtrohet një protokolli të veçantë trajtimi që do t'i kërkojë asaj të izolohetdhe se si rezultat ajo do të largohej nga angazhimet publike.

Në gusht të vitit 2019, Asma tha se ishte shëruar plotësisht nga kanceri i gjirit për të cilin ajo tha se ishte zbuluar herët.

Që kur Siria u zhyt në luftë në vitin 2011, ish-bankierja e investimeve me origjinë britanike ka marrë rolin publik të udhëheqjes së përpjekjeve të bamirësisë dhe takimit me familjet e ushtarëve të vrarë, por gjithashtu është bërë e urryer nga opozita. Ajo drejton Siria Trust for Development, një OJQ e madhe që vepron si një organizatë ombrellë për shumë prej operacioneve të ndihmës dhe zhvillimit në Siri.

Vitin e kaluar, ajo shoqëroi bashkëshortin e saj, presidentin Bashar al-Assad, në një vizitë në Emiratet e Bashkuara Arabe, udhëtimi i saj i parë zyrtar i njohur jashtë vendit me të që nga viti 2011. Ajo takoi Sheikha Fatima bint Mubarak, nënën e presidentit të Emirateve, gjatë një udhëtimi të parë si një sinjal publik i rolit të saj në rritje në çështjet publike.

Burimi: reuters.com

Përktheu: Syri.net