Të paktën një person është vrarë dhe katër janë plagosur në sulmin e fundit me dron në kryeqytetin ukrainas, sipas administratës së qytetit.

Forcat ruse vunë në shënjestër Kievin me një breshëri dronësh Shahed të prodhuar nga Irani, dronë vetëshpërthyes, të enjten herët në mëngjes.

Rreth 20 dronë rusë dhe dy raketa u rrëzuan gjatë natës, sipas zëdhënësit të forcave ajrore ukrainase, Yuriy Ignat.

Sulmet me dronë rusë kanë vazhduar brenda dhe rreth Kievit për natën e tretë radhazi dhe më shumë sulme priten në të ardhmen, tha forcat ajrore të Ukrainës në një deklaratë.

Shpërthime u dëgjuan në pjesë të ndryshme të qytetit dhe mbeturinat nga dronët ranë në katër lagje të kryeqytetit ukrainas.

Disa dronë, megjithatë, arritën të godisnin infrastrukturën civile, sipas administratës lokale të Kievit.

Shefi i OKB-së për të Drejtat e Njeriut i kërkon Rusisë të respektojë ligjin humanitar në luftë

Shefi i të drejtave të njeriut i Kombeve të Bashkuara i kërkoi Rusisë të respektojë ligjin humanitar pas dëshmive për tortura dhe abuzime kundër qytetarëve ukrainas.

Një raport i dokumentuar nga OKB-ja i publikuar dy javë më parë zbuloi ndalimin arbitrar të më shumë se 900 civilëve që nga fillimi i luftës në shkurt 2022.

"Këto fakte janë tronditëse. Ata bëjnë thirrje për masa konkrete nga Federata Ruse për të udhëzuar dhe siguruar që personeli i tyre rus të respektojë të drejtat ndërkombëtare të njeriut dhe ligjin humanitar," tha të mërkurën Komisioneri i Lartë i OKB-së për të Drejtat e Njeriut, z. Volker Turk.

Volker Turk shtoi se më shumë se 90% e të burgosurve kanë përjetuar tortura dhe keqtrajtime, përfshirë dhunën seksuale, sipas zyrtarëve rusë.

Ambasadori i Rusisë në OKB tha se raporti dhe gjetjet e tij nënvlerësojnë krimet e kryera nga pala ukrainase.

"Shkalla e vërtetë e mizorive të autoriteteve dhe ushtrisë ukrainase është mbajtur në heshtje qëllimisht," i tha Genadi Gatilov, Këshillit të OKB-së.

Edhe pse disa shkelje u kryen nga pala ukrainase, pala ukrainase u dha hetuesve akses të plotë përjashtuar një incident, theksoi Turk kurse Rusia e refuzoi kontaktin me të arrestuarit edhe pas disa kërkesave të përsëritura, shtoi ai.