Ushtria ruse për të dytën ditë me radhë po kryen sulme ajrore mbi Kiev, kryeqytetin e Ukrainës.

Ata kanë për objektiv infrastrukturën civile, por deri më tani nuk është se kanë arritur ndonjë qëllim, për faktin se mbrojtja kundërajrore e ukrainasve po i parandalon të godasin objektivat e parapara.

Madje një ushtar ukrainas me ndihmën e Stingerit amerikan, ka arritur të shkatërrojë në ajër dy raketa ruse që kishin për objektiv infrastrukturën civile.
Në një video të publikuar nga brigada e 60-të e motorizuar e ushtrisë ukrainase, shfaq ushtarin Oleksandr Lavronenko duke qëlluar dy raketat ruse me Stingerin amerikan.

Ai arrin t’i shkatërrojë në ajër raketat siç edhe mund të shihet në videon e publikuar më poshtë. Kjo armë amerikane është dëshmuar si shumë efikase në luftën në Ukrainë.

Deri më tani me këtë armë, ukrainasit kanë arritur të shkatërrojnë aeroplanë, helikopterë e madje tanke ruse.