Udhëheqësit evropianë u mblodhën në Bruksel këtë javë, vetëm disa ditë pas rebelimit jetëshkurtër nga mercenarët wagner.

Politikëbërësit evropianë e kaluan javën duke kuptuar pasojat e rebelimit dhe marshimit të dështuar të grupit mercenar Wagner drejt Moskës.

Kjo ngjarje i habiti analistët perëndimorë dhe i la ata me më shumë pyetje sesa përgjigje.

Por me sa duket, lufta në Ukrainë ka shkaktuar tensione të mëdha brenda sistemit dhe ushtrisë së Putinit, duke çuar në një ngritje të ngadaltë zemërimi dhe zhgënjimi.

Oligarkët po humbasin tonelata parash, ndërkohë që forcat ushtarake të Moskës besojnë se Putini nuk po tregohet mjaftueshëm agresiv në Ukrainë.

Megjithatë, shefi i Wagner-it, Yevgeny Prigozhin, përfundimisht nuk arriti të bindte aparatin rus të sigurisë që t'i bashkohej revoltës së tij – dhe Putini e mbajti dorën. Për tani.

Mendimi në Bruksel është se i gjithë episodi është mjaft pozitiv për Ukrainën.

“Nëse kundërshtari juaj ka një betejë të brendshme mes palëve të ndryshme, është e qartë se kjo është një gjë pozitive nga pikëpamja e operacioneve ushtarake”, tha

Përfaqësuesi i Lartë i BE-së për Punët e Jashtme, Josep Borrell.

"Papritmas, trupat e Ëagner braktisën pozicionet e tyre në vijën e parë dhe shkuan të bëjnë diçka tjetër. Kjo për ukrainasit mund të jetë vetëm pozitive."

Ndërkohë, gjeneralët më të lartë të Rusisë janë larguar nga sytë e opinionit publik mes përpjekjeve të Presidentit Vladimir Putin për të rikthyer autoritetin e tij.

Ndoshta ai u ngushëllua nga fakti që Uashingtoni, në një kontakt pas skenës me Moskën në mes të rebelimit, e siguroi atë se amerikanët nuk kishin asnjë lidhje me të.

Po, politika e Amerikës është për të mbrojtur Ukrainën, por jo për të rrëzuar Putinin ose për të shkatërruar Rusinë.

Në samitin e BE-së në Bruksel, kancelari gjerman Olaf Scholz kishte të njëjtin mesazh. "Ne nuk jemi palë në atë që po ndodh në Rusi. Ky është një problem që Putini ia ka sjellë vetes. Ne vetëm mund ta mbikqyrim këtë. Dhe qëllimi ynë këtu nuk është ndryshimi i regjimit në Rusi. Qëllimi ynë që ne po e ndjekim është një Ukrainë e pavarur."

Situata në Rusi ishte në krye të axhendës së samitit, së bashku me emigracionin dhe marrëdhëniet me Kinën./ar/sh/SYRI.NET