Një ish-gjeneral i ushtrisë amerikane thotë se ai mendon se Ukraina mund ta rimarrë Krimenë përpara se të përfundojë vera, por vetëm nëse SHBA-ja kontribuon më shumë armë me rreze të gjatë.

“Shqetësimi im kryesor mbetet ende se nëse Shtetet e Bashkuara do të siguronin atë që i nevojitet Ukrainës, atëherë Ukraina në fakt mund ta çlirojë Krimenë deri në fund të kësaj vere,” tha për Newsweek të mërkurën gjenerali Ben Hodges.

Por ai ka frikë se nuk do të ketë përparim në Krime nëse SHBA nuk i japin Ukrainës specifikisht “armë precize me rreze të gjatë ose sisteme të tjera armësh që mund të arrijnë më tej sesa mund të arrijnë tani”.SHBA ka qenë mbështetësja më e madhe e Ukrainës që nga fillimi i pushtimit rus.

Sipas Departamentit të Shtetit, SHBA-ja ka dërguar rreth 40 miliardë dollarë ndihmë për sigurinë në Ukrainë, që kur Rusia e pushtoi vendin në shkurt 2022.

[Ukrainian official offers plan for a Crimea without Russia | AP News]

Por, paketat e ndihmës ushtarake të SHBA-së deri më tani nuk kanë përfshirë Sistemet e Raketave Taktike të Ushtrisë (ATACMS) , të prodhuara nga SHBA-ja, e cila ka një rreze shumë më të gjatë prej 190 miljesh.

Hodges shtoi se mungesa e armëve të tilla do ta bënte “kundërsulmin e Ukrainës më të kushtueshëm”.

“Kjo do të thotë sigurisht se ukrainasit do të kenë vështirësi të mëdha për të goditur objektivat brenda Krimesë dhe për të përballuar flotën e Detit të Zi,” shtoi ai.

Administrata e Bidenit është frenuar nga dërgimi i armëve me rreze të gjatë në Ukrainë që kanë kapacitetin për të goditur objektivat në Rusi.

“Unë mendoj se administrata është e frenuar, sepse prioriteti i tyre kryesor është të shmangin përdorimin e armëve bërthamore,” tha Hodges, duke kujtuar kërcënimet e vazhdueshme të Vladimir Putin.