Ministria e Mbrojtjes në Moskë në një njoftim të saj shprehet se një avion luftarak rus ka bombarduar aksidentalisht qytetin e Belgorodit pranë kufirit me Ukrainën.

Guvernatori rajonal Vyacheslav Gladkov tha se shpërthimi kishte lënë një krater të madh rreth 20 metra (60 ft) të gjerë në qendër të qytetit.

Dy gra u plagosën dhe disa ndërtesa u dëmtuan, tha ai.

'Një avion luftarak-bombardues Su-34 shkarkoi aksidentalisht mjete avioni' shkruan në njoftimin e saj ministria.

Incidenti ndodhi në orën 22:15 me orën lokale (19:15 GMT) të enjten, thanë agjencitë ruse të lajmeve. 

Fotot dhe videot në mediat sociale tregojnë apartamente të dëmtuara nga shpërthimi.

Belgorod - një qytet me 370,000 banorë - është rreth 25 milje (40 km) nga kufiri ukrainas. 

Ai shtrihet në veri të qytetit të dytë të Ukrainës, Kharkiv, dhe njerëzit atje kanë jetuar me frikën e granatimeve ukrainase që nga pushtimi rus i Ukrainës vitin e kaluar.

Avionët rusë gjithashtu fluturojnë rregullisht mbi qytet në rrugën e tyre për në Ukrainë.