Temperaturat deri në 30 gradë Celsius do të mbretërojnë në disa pjesë të shtetit francez, kanë njoftuar sinoptikanët.

Franca jugperëndimore mund të regjistrojë temperatura prej 27 deri në 30 gradë këtë fundjavë, njoftoi sot shërbimi meteorologjik Meteo France.

Temperatura në zonat përgjatë kufirit me Spanjën mund të rritet mbi 30 gradë.

Ajri më i ngrohtë nga Ishujt Kanarie dhe Gadishulli Iberik siguron që temperaturat në Francë të jenë 4 deri në 5 gradë Celsius mbi mesataren për këtë periudhë të vitit.

Ditët e fundit në shumë vende janë thyer rekordet e temperaturës.

Siç theksoi Meteo France në parashikimin e tij, vala e motit më të ngrohtë po ndodh në sfondin e ndryshimeve klimatike gjithnjë e më të dukshme.

Valët e të nxehtit jo vetëm që po bëhen më të shpeshta dhe më intensive, por po ndodhin herët dhe më vonë gjatë vitit, siç është kjo javë. 

🌡️📈 Le flux de sud-ouest en altitude, déjà bien établi depuis une dizaine de jours sur l’Europe de l’Ouest, va continuer cette semaine à ramener de l’air particulièrement doux pour la saison sur notre pays.

➡️https://t.co/L0PPYVyZfU pic.twitter.com/Y6CVpDeCsP

— Météo-France (@meteofrance) October 25, 2022