Gjermania ka bërë një hap më shumë drejt racionimit të gazit, pas rënies së furnizimeve nga Rusia.

Vendi ka ngritur fazën e "alarmit" të një plani emergjent të gazit për të trajtuar mungesën e tij, tha Ministria e Ekonomisë e Gjermanisë.

Kjo është pjesa e fundit e një përplasjeje midis Bashkimit Evropian dhe Rusisë pas pushtimit të Ukrainës.

Ministri gjerman i Ekonomisë Robert Habeck tha se Rusia po përdor gazin "si armë" në përgjigje të sanksioneve të BE-së.

"Ne nuk duhet të gënjejmë veten. Reduktimi i furnizimit me gaz është një sulm ekonomik ndaj nesh nga Presidenti rus Vladimir Putin," tha zoti Habeck, duke shtuar se gjermanët do të duhet të reduktojnë konsumin.

“Është padyshim strategjia e Putinit për të krijuar pasiguri, për të rritur çmimet dhe për të na ndarë ne si shoqëri”, shtoi ai. “Kjo është ajo që ne po luftojmë”.

Habeck tha se "shpresojmë se nuk do të ketë kurrë nevojë" për racionimin e gazit për industrinë gjermane, por ai shtoi: "Sigurisht, nuk mund ta përjashtoj".