Rusia vijon të pësojë humbje ushtarake, pasi një dron ukrainas ka shkatërruar dy anije ruse në Detin e Zi, sipas shefit ushtarak të Ukrainës.
“Dy anije ruse të llojit Raptor u shkatërruan mëngjesin e sotëm pranë ishullit të Gjarprit”, tha shefi i Përgjithshëm, Valeriy Zaluzhniy, raporton Dailymail.
Pamjet e paverifikuara të dronit të publikuara nga ushtria ukrainase duket se tregojnë dy anije që janë shënjestruar nga raketat nga ajri derisa po patrullonin në Detin e Zi.
Droni raportohet të ketë qenë Bayraktar.
Moska ende nuk i është përgjigjur këtij sulmi. Vlen të përmendet se disa javë më parë Ukraina shkatërroi anijen e njohur ruse, Moskva, që njihej si krenaria e flotës kundërshtare.
© SYRI.net