Të paktën 68 të burgosur janë vrarë dhe dhjetëra të tjerë janë plagosur gjatë përleshjeje mes bandave në një burg në Ekuador.

Reuters raporton se ngjarja ka ndodhur ditën e djeshme dhe se konflikti fizik mes të burgosurëve nisi për kontrollin mbi të dënuarit.

Pasi një prej liderëve të bandave është liruar nga burgu, të tjerë kërkonin të merrnin vendin e tij dhe të drejtonin, tha guvernatori i provincës ku ndodhet burgu, Pablo Arosemena.

Burgu, ku ndodhi ngjarja e rëndë, është burgu i njëjti ku u vranë 119 të burgosur në muajin shtator, përplasja më vdekjeprurëse në burgjet e Ekuadorit. Vrasjet në burgje janë ngjarje të përsëritura në Ekuador.