Romë - Vetëm disa orë pas arritjes të premten në Romë, Presidenti Joe Biden do të takohet me Papa Françeskun në Vatikan, ku dy katolikët romanë më të shquar në botë, kanë në plan të diskutojnë për pandeminë COVID-19, ndryshimin e klimës dhe varfërinë.

Presidenti amerikan krenohet me besimin e tij katolik, duke e përdorur atë si udhërrëfyes moral për të formuar shumë nga politikat e tij sociale dhe ekonomike. Biden mban një rruzare dhe merr pjesë shpesh në meshë, megjithatë mbështetja e tij për të drejtën e abortit dhe martesën e së njëjtës gjini e ka vënë atë kundër shumë peshkopëve amerikanë, disa prej të cilëve kanë propozuar madje që atij t'i mohohet kungimi.

Sekretarja e shtypit e Shtëpisë së Bardhë, Jen Psaki, para vizitë tha se ajo pret një "dialog të ngrohtë dhe konstruktiv" midis dy liderëve.

“Ka një marrëveshje të madhe dhe përkim midis Presidentit dhe Papa Françeskut për një sërë çështjesh si varfëria, luftimi i krizës klimatike, përfundimi i pandemisë COVID-19,” tha Psaki. "Këto janë të gjitha çështje jashtëzakonisht të rëndësishme, me ndikim, që do të jenë qendra e diskutimit të tyre kur të takohen."

Këshilltari për sigurinë kombëtare, Jake Sullivan tha se Presidenti dhe Papa do të takohen privatisht dhe më pas do të zhvillojnë bisedime me delegacione të zgjeruara.

Biden po viziton Romën në fillim dhe më pas Glasgoë në Skoci, për dy samite të njëpasnjëshme, fillimisht një mbledhje për liderët e Grupit të 20 vendeve udhëheqëse dhe në zhvillim e më pas një konferencë globale për klimën.

Si i vetmi presidenti i dytë katolik pas John F. Kennedy, Biden e ka bërë audiencën e tij me Papën një prioritet të qartë. Ky do të jetë takimi i tij i parë i planifikuar në udhëtimin e tij pesë-ditor jashtë vendit dhe gruaja e tij, Jill, do të marrë pjesë gjithashtu. Biden dhe Papa janë takuar më parë tre herë, por ky do të jetë takimi i tyre i parë që kur Biden u bë president.

Pas takimit papal, Biden do të takohet veçmas të premten me mikpritësit e samitit të Grupit 20, Presidentin italian Sergio Mattarella dhe kryeministrin italian Mario Draghi. Ai do ta mbyllë ditën e tij duke u takuar me presidentin francez Emmanuel Macron, pjesë e një përpjekjeje për të përmirësuar marrëdhëniet me Francën pasi SHBA-ja dhe Britania e Madhe vendosën të ofrojnë nëndetëse me energji bërthamore në Australi, duke arritur një kontratë ekzistuese franceze.

Takimi i Biden me Papa Françeskun krijoi disa polemika paraprakisht pasi Vatikani të enjten anuloi befas planet për të transmetuar drejtpërdrejt takimin me Biden dhe i mohoi aksesin, shtypit.

Zëdhënësi i Vatikanit Matteo Bruni tha se plani i rishikuar për televizivionet pasqyronte protokollin e virusit për të gjithë krerët e audiencave shtetërore, megjithëse ai nuk tha pse fillimisht ishte planifikuar dhe më pas anuluar një mbulim më i fuqishëm televiziv i drejtpërdrejtë.

Shikuesit do të shohin vetëm mbërritjen e autokolonës presidenciale në oborrin e Pallatit Apostolik, ku një monsinjor nga Vatikani do të mirëpresë Biden. Nuk do të ketë transmetim të drejtpërdrejtë të Biden duke përshëndetur Françeskun në Dhomën e Fronit, as pamje direkte të dy liderëve të ulur për të filluar bisedën e tyre në bibliotekën e Françeskut.