Shtetasve të BE-së me dosje kriminale mund t’iu refuzohet hyrja në Mbretërinë e Bashkuar që nga viti 2021 dhe ata që flenë rrugëve në qytetet britanike mund të dëbohen, sipas rregullave të reja që u morën në shqyrtim nga deputetët britanikë të enjten.

Për qytetarët e BE-së dikur kishte përjashtime, por tani ndryshimet nënkuptojnë se ata që kanë kryer të paktën një vit burg ose që konsiderohen kriminelë "për përherë”, do të trajtohen njësoj si çdo i huaj.