Nga Besard Xhaferri

Skënder Gjinushi është rizgjedhur për një mandat tjetër në krye të Akademisë së Shkencave të Shqipërisë, institucion elitar por që dekadën e fundit është kthyer në një azil, ku vegjetojnë politikanë të dështuar.

Skënder Gjinushi është aty pa garë, por me pazar, pasi ai këmbeu partinë e tij me Akademinë.

Rizgjedhja e Skënder Gjinushit në krye të Akademisë vjen në një kohë kur në degën e fizikës në Fakultetin e Shkencave të Natyrës janë regjistruar vetëm 27 studentë.

Degët e shkencave ekzakte në universitet e rretheve janë mbyllur dhe të njëjtin fat do kenë dhe degët e Fakultetetit të shkencave ekzakte në UT.

Mjaftojnë vetëm këto dy fakte për të kuptuar se ku e ka katandisur arsimin dhe shkencën sekti i Rilindjes.

Skënder Gjinushi, Ministri i Arsimit në kohën e Ramiz Alisë dhe truprojë e Zani Çaushit e njollos atë institucion që do duhej të ishte pararojë e zhvillimeve në vend.

Si një i ri që angazhimin profesional e kam të lidhur me arsimin gjykoj me keqardhje se sot është një ditë e zezë për arsimin dhe për shkencën, sot është një ditë e zezë për Shqipërinë dhe të ardhmen e saj.