Hapat e parë drejt shkrimit i hodhi në fëmijëri, kur ishte 15 vjeçe.

Brunilda Zllami e kujton me nostalgji atë ditë Marsi, kur një pëllumb i bardhë hyri në dhomën e saj, teksa hidhte në letër dallgët e para të frymëzimit.

‘Dita e para të pranverës dritarja ishte e hapur. Në momentin që jam ulur për të shkruar futet një pëllumb, që bën një rrotullim të plotë rreth dhomës sime dhe pastaj del.

Ne njerëzit çdolloj gjëje duam t'i vëmë një etiketim, sidomos kur është diçka e bukur dhe unë e mora si një shenjë mbarësie. Në çdo libër identifikimi i emrit tim është bashkë me pëllumbin’, tregoi Zllami në ‘Odeon’.