Është e çuditshme se si një akt aq i thjeshtë i mbajtjes për dore ka ndikim aq të madh në shëndetin emocional, psikologjik dhe fizik, transmeton koha.net.
Në pëllëmbë ndodhet një numër i madh i mbaresave nervore. Kjo është arsyeja se pse mbajtja për duar ka ndikim pozitiv në të gjithë organizmin në trup.
E redukton nivelin e stresit
Studimet kanë treguar se mbajtja për dore mund t’i zvogëlojë nivelet e hormoneve të stresit (kortizolit). Kur niveli i kortizolit në trup rritet, atëherë reagojmë në mënyrë shumë më intensive në prekje dhe ajo është shumë më efektive. Reduktimi i niveleve të kortizolit ka ndikim pozitiv në shëndetin e zemrës, sistemit të qarkullimit të gjakut dhe trurit.
E rrit ndjenjën e sigurisë
Mbajtja për duar mund ta rrisë ndjenjën e sigurisë, veçanërisht në situata ku nuk ndihemi të sigurt. Rritja e ndjenjës së sigurisë është rezultat i zvogëlimit të nivelit të kortizolit, por edhe të kuptuarit se nuk jemi vetëm, por që dikush është me ne.
E rrit lidhjen emocionale
Ashtu siç e ul nivelin e kortizolit, mbajtja për dore edhe e rrit nivelin e oksitocinës. Oksitocina njihet edhe si hormoni i ledhatimit, sepse lirohet gjatë shkëmbimit të butësisë dhe na jep një ndjenjë të lidhjes me një person tjetër. Oksitocina është hormon i dashurisë, gjë që e shpjegon se pse jemi të lumtur kur jemi të dashuruar.
E lehtëson dhimbjen
Studimet kanë treguar se prekja mund ta lehtësojë dhimbjen. Me kombinimin e zvogëlimit të nivelit të stresit, rritjes së ndjenjës së sigurisë dhe lidhjes emocionale rritet edhe pragu trupor i dhimbjes. Studiuesit zbuluan se gratë, burrat e të cilave janë me to gjatë lindjes, shumë më lehtë e përballojnë dhimbjen. Një prej arsyeve është edhe fuqia e prekjes.
© SYRI.net