Mbrëmë ishte nata e dashurisë dhe çiftet i kanë shprehur në mënyrën më romantike të mundshme ndjenjat njëri-tjetrit. Një vajza na ka rrëfyer surprizën që ajo mori nga njeri i zemrës. Kjo është historia e treguar.

“Gëzuar të gjithëve dhe paçi gjithmonë dashuri në jetët tuaja.

Mbrëmë për mua ka qenë nata më e paharrueshme e jetës time. Nuk do ta harroj kurrë këtë Shën Valentin.

Jam një 20 vjeçe nga Puka dhe jam e lidhur me një djalë dhe duhemi shumë.

Mbrëmë shkuam në Tiranë për të festuar.

Ai është tip i mbyllur dhe nuk prisja ndonjë dhuratë. Por mora dhuratën më të bukur.

Mbrëmë ai më dhuroi trendafil dhe një varëse në formë zemre që do ta mbaj tërë jetën në qafë.

Kam nisur të qaj nga gëzimi dhe ju luta që kaq romantik të jetë çdo natë të jetës tonë.

Kaluam shumë bukur dhe Tirana është fantastike.

I them të dashurit që e dua me shpirt dhe i bëj thirrje të gjithë meshkujve që janë të turpshëm ose me natyra të rënda që t’i bëjnë surpriza të fejuarave.

Sepse dhurata vërtet s’ka pse të jetë e shtrenjtë, por është një gjest që na gëzon shumë.

Akoma nuk e kam marrë veten nga e mbrëmshmja dhe jam super e lumtur”, shkruan ajo.