Ish-presidenti i Federatës Italiane të Futbollit, Carlo Tavecchio, është akuzuar për ngacmim seksual, por ai i ka mohuar këto akuza.

Tavecchio insiston se nuk ka ngacmuar askënd seksualisht sa ishte kryetari i Federatës së Futbollit të Italisë. Ai madje thotë se ka angazhuar avokatin e tij që te merret me këtë punë, pas lajmeve të publikuara sot në media.

“Në lidhje me atë që është raportuar sot në media, unë mund të konfirmojë korrektësinë time dhe për të mbrojtur imazhin dhe integritetin tim, kam angazhuar një avokat për t’u marrë me të gjitha gjërat”, ka thënë Tavecchio gjatë një konference për mediat.