Në ndeshjen e vlefshme për javën e 13-të të Serie A, kampionët i Italisë mposhten në transfertën me Sampdorian, shkruan SYRI.net.
Juventus humbet me rezultatin 3-2 ndaj Sampdorias, duke humbur terren me Napolin kryesues.
Pjesa e parë u myll pa gola, ndërsa në të dytën shpërthejnë dorianët. Fillmisht shënon Zapata në minutën e 52-të, ndërsa më pas në të 71’ Torreira dyfishon shifrat.
Goli që vulos disfatën e bardhezinjve shënohet nga Ferrari në minutën e 79-të.
“Zonja e Vjetër” kujtohet shumë vonë. Higuain në minutën e parë shtesë shënon golin e parë, teksa Dybala e pason me një tjetër në të 90+4’, por vetëm sa për të vulosur rezultatin përfundimtar të kësaj sfide, 3-2.
Sampdoria me këtë fitore ngjitet në kuotën e 26 pikëve në vend të gjashtë, por ka një ndeshje më pak.
Juventusi pëson humbjen e dytë në këtë kampionat, pas asaj me Lazion në fushën e vet.
© SYRI.net
Bëje LIKE dhe merr lajmin e fundit nga Sporti: