Dy djem të rinj në Pakistan kanë mahnitur shkencëtarët. Gjatë ditës, ata funksionojnë për mrekulli, dalin luajnë, vrapojnë, ushqehen, me një fjalë, nuk dallojnë nga fëmijët e tjerë. Por, me të perënduar dielli, ata paralizohen, pa mundur që të lëvizin.

13-vjeçari Shoaib Ahmed dhe 9-vjeçari Abdul Rasheed, vuajnë nga një gjendje a  çuditshme dhe në botë nuk është regjistruar deri më tani asnjë rast si ky. Dy djemtë janë nën vëzhgim të mjekëve në një spital të Islamabadit, ku janë duke u bërë përpjekje që të sqarohet shkaktari i kësaj gjendjeje të tyre. Ajo që habit, është se, gjatë ditës, djemtë janë mirë edhe nëse futen në një dhomë të errët, por me të perënduar të diellit, pa marrë parasysh ku gjenden, gjendja e tyre përkeqësohet.

“E kemi marrë këtë si sfidë", thotë profesori Javed Akram.