Dy shkencëtarë në një eksperiment kanë mbledhur një grup njerëzish nga shumë vende të ndryshme, duke ua bërë disa pyetje në shikim të parë, të thjeshta. Cilit nacionalitet i takonin dhe a ka ndonjë vend, apo nacionalitet që nuk iu pëlqen? Përgjigjet ishin të ndryshme, por secili kishte ndonjë vend, a popull, ndaj të cilëve kishin qëndrim negativ.

Shkencëtarët më pas i kishin pyetur pjesëmarrësit në studim se a do të donin ta merrnin një udhëtim, bazuar në ADN-në e tyre. Të gjithë kishin pranuar, por kishin menduar se nuk kishin asgjë të re për të mësuar rreth prejardhjes së tyre, e që nuk e dinë tanimë. Ata gabuan. ADN-ja funksionon ashtu që 50% të saj i trashëgojmë nga babai, e 50% nga nëna, ku edhe ata kishin marrë ADN-në e tyre nga prindërit, e kështu me radhë.

Të gjithë pjesëmarrësit kishin dhënë pështymën për analiza të ADN-së. Me atë rast, disa panë se kishin gjene mu nga popujt të cilët i urrenin më së shumti.