Në procesin që po zhvillohet në Gjykatën e Landit në Verden lidhur me vrasjen që ka ndodhur në janarin e vitit të kaluar në Viselhövede, një nga 2 vajzat e viktimës ka dëshmuar se krimi ka ndodhur nga gjakmarrja. Dëshmia e 19-vjeçares konfirmon dyshimet e prokurorisë gjermane, se vrasja ka ndodhur për gjakmarrje.

Sipas dëshmisë së të resë: E gjithë tragjedia ka filluar më 30 dhjetor 2011 në Shqipëri, kur babai i vrarë i saj, teksa punonte si punonjës i sigurisë në një diskotekë kishte nxjerrë dy të rinj nga lokali. Kur këta pas pak paraqiten sërish, në parkingun para diskotekës fillon sherri në mes tyre dhe rojës, dhe ky i fundit qëllon njërin prej tyre për vdekje. Policia po atë natë e ka bastisur shtëpinë e familjes, ndërsa nënën e vajzës e ka këshilluar që të kishte kujdes për familjen … Kur u varros riut të vrarë, njëri nga vëllezërit e tij ishte betuar se do merrte haku.

Ai dhe personi i vrarë janë kushëri të të akuzuarit për vrasjen e kryer nga hakmarrja, në procesin që po zhvillohet në Verden.

Vajza, në dëshminë e saj, tregon se së bashku me vëllezër e motra dhe me kushërinj, ishin strehuar te gjyshërit në fshat. Ndërkaq e ëma kishte mbetur të banonte në Tiranë ku, në gushtin e vitit 2012 kishte vdekur në mënyrë misterioze.

Familja e vajzës kishte provuar disa herë të merrej vesh me familjen tjetër. “Janë dërguar pleqtë e fshatit si ndërmjetësues për të realizuar pajtimin dhe paqen mes familjeve. Por ata janë kthyer mnbrapsht nga familja e të riut të vrarë”.

Në një gjendje të tillë, familja e saj është arratisur në Gjermani, ku nga fundi i vitit 2016 i është bashkuar edhe babai, pasi ka mbaruar vuajtjen e dënimit. Edhe pas kësaj kishin përpjekjet për të arritur pajtimin, pasi familja e saj dëshironte të jetonte në paqe, thotë dëshmitarja.

Por, më 9 janar 2017, babai i saj u qëlluar për vdekje, në mes të qytetit Viselhövede, fare pranë një shkolle fillore.

*‘Vrasja e nderit’, dy të akuzuar për ekzekutimin e Kujtim Prengës