Video emocionale, në të cilën Keaton përshkruan se si është torturuar në shkollë, ka pasur më shumë se 22 milion shikime që nga e premtja

Një djalë i ri i quajtur Keaton Jones ka marrë përkrahjen e shumë të famshmëve në rrjetet sociale, pas një videoje të tij, ku ai shihet me lot në sy, duke rrëfyer se ishte ngacmuar në shkollë nga moshatarët e tij.

Nëna e Keaton Jones, Kimberly, ka postuar këtë video në Facebook, e cila është realizuar në makinën e saj.

Ajo shkroi se e kishte filmuar Keatonin me kërkesën e tij.

"Flisni me fëmijët tuaj," përfundoi ajo. "Ne të gjithë e dimë se si ndihesh, kur i përket diku, por vetëm disa prej tyre e dinë, se si me të vërtetë ndjehesh, kur nuk i përket askund".

Në video, Keaton thotë se fëmijët e tjerë e quanin atë të shëmtuar, u tallën me hundën e tij dhe i thanë atij se nuk kishte miq. Ai thotë se i kanë derdhur qumësht në trup dhe proshutën ia kanë hedhur në rrobat e tij.

“Vetëm për shkak të kuriozitetit, pse ata detyrohen ta bëjnë këtë?", Pyet ai me lot. "Cila është arsyeja e këtij veprimi të tyre? Pse ata gjejnë gëzim me talljen e njerëzve të pafajshëm? Nuk është mirë”.

“Njerëzit që janë të ndryshëm, nuk duhet të kritikohen për këtë. Nuk është faji i tyre", pyeste Keaton me lot në sy.

Videoja është parë më shumë se 22 milion herë në Facebook dhe ka kaluar në Instagram, ku tërhoqi vëmendjen e Katy Perry, Victoria Beckham, Justin Bieber, Cardi B, Snoop Dogg dhe të tjera të famshëm, shumë prej të cilëve bënë oferta miqësie dhe dhurata.

Bieber inkurajoi djalin, që t'i dërgonte atij një mesazh të drejtpërdrejtë dhe miratoi mesazhin anti-ngacmimi me 94.9 milionë ndjekësit e tij në Instagram.

"Fakti që ai ende ka simpati dhe dhembshuri për njerëzit e tjerë, kur po kalon vetë gjithë këto probleme, është një testament për atë që ai është, - tha Bieber në një video. - Ai është një legjendë. Shikojeni edhe ju. Emri i tij është Keaton ", kishte shkruar Bieber.

Videoja e Bieber u pa rreth 2.7 milion herë në tetë orë. Aktori Penelope Cruz komentoi me gjashtë emoji të duartrokitjes.

"Kjo më theu zemrën," shtoi Katy Perry. "Ju lutem, jeni të mirë me njëri-tjetrin".

Më shumë se 2,444 postime në Instagram kanë hashtag #standwithkeaton , disa nga llogaritë e reja të krijuara si @friendsofkeaton dhe @keatonjonessupport.

Shumë të tjerë e shprehën mbështetjen e tyre në Twitter.