Policia suedeze është detyruar të qëllojë disa herë në ajër, në formë paralajmëruese, pasi një grup personash të paidentifikuar shkaktuan trazira  të papara në Stokholm të hënën vonë.

Ata i vunë zjarrin makinave dhe sulmuan me gurë policinë si dhe plaçkitën disa dyqane lokale, shkruan “RT”.

Një polic u plagos gjatë përleshjeve, duke detyruar policinë të hapte zjarr për të larguar protestuesit e dhunshëm.

 Të paktën shtatë ose tetë vetura janë djegur në zonë gjatë mbrëmjes, tha policia në një deklaratë.

Një fotograf tha gjithashtu se ishte sulmuar nga një grup prej 15 njerëzish kur u përpoq të raportonte për trazirat./SYRI.net/