Destinacione të paarritshme të afta për të dhënë emocione të forta, mes maleve të egra, grykave të largëta dhe pyjeve të ëndrrave.

Një aventurë mes vendeve të egra dhe të  pashkelura, ballë për ballë me një natyrë të vështirë dhe me udhëtime sfiduese, për ata që nuk dinë çfarë të bëjnë me një pushim të qetë, buzë detit nën një çadër, apo një udhëtim të qetë në mal. Kemi përzgjedhur dhjetë destinacionet perfekte për ata që janë gjithmonë në kërkim të emocioneve dhe ndjenjës që “të shkosh pak më tej”. Gjëja e rëndësishme është të udhëtoni duke vënë gjithmonë në plan të parë sigurinë tuaj.

UTAH, MOAB – Një nga pamjet më spektakolare në botë shtrihet përpara ekskursionistit, male me gurë të kuq ranorë aq sa mund të shohë syri, të formuara nga era dhe që presin të eksplorohen në një nga destinacionet më të famshme dhe më të vlerësuara të biçikletës malore në botë. Zona Indian Creek pranë distriktit të Parkut Kombëtar Canyonlands është një destinacion i mrekullueshëm si për alpinistët shkëmborë dhe për çiklistët malorë.   

FILIPINE, ISHULLI BOHOL, “KODRA E ÇOKOLLATËS” – Më pak të papërshkueshme, por po aq magjepsëse dhe të egra, janë “Kodrat e çokollatës”, të vendosura në ishullin Bohol, në Filipine. Këto kodra të rrumbullakosura janë të mbuluara me bimësi dhe për këtë arsye shumë të gjelbërta për pjesën më të madhe të vitit, por në muajt e thatë ato marrin ngjyrë kafe dhe duken si copa të mëdha çokollate. Ato janë të shumta dhe në një total mbi 1700.   

NAMIBIA, PARK KOMBËTAR NAMIB-NAUKLUFT – Ndodhemi në pjesën më të vjetër të shkretëtirës afrikane, mes peizazheve unike në botë. Ata që janë të bindur se peizazhi i shkretëtirës është i njëjtë dhe uniform, e gjejnë mohimin e tyre këtu. Ka hapësira të pafundme dunash me rërë të kuqe, por edhe hapësira me zhavorr dhe shkëmbinj mbresëlënës. Madje ka edhe disa specie të gjalla që kanë arritur të përshtaten me kushte kaq ekstreme të jetesës.

NEPAL, QARKU ANNAPURNA – Ky masiv malor himalajan ndodhet në Nepalin qendror, i dominuar nga maja më e lartë, Annapurna I, e cila me 8091 metra lartësi është mali i dhjetë më i lartë në Tokë. Ajo është e kurorëzuar nga maja të tjera të përfshira në të ashtuquajturën Sanctuary Annapurna, që përbëjnë pjesë të rrugës së famshme të ecjes së Annapurna Circuit, e konsideruar si një nga itineraret më të famshme dhe klasike të ecjes në botë. E hapur në vitin 1977, pista ka një gjatësi totale midis 160 dhe 230 km, në varësi të mënyrës se si llogaritni pikat e mbërritjes dhe të nisjes.

KOLOMBIA, CIUDAD PERDIDA – Ciudad Perdida, në shqip “Qyteti i humbur” është një vend arkeologjik i vendosur në Kolumbi, në Sierra Nevada ku dikur qëndronte një qytet antik. Besohet se është themeluar rreth viteve 800, rreth 650 vjet para Machu Picchu. Vendi, i zbuluar në 1972, ishte dikur zemra e një rrjeti fshatrash dhe qendra e prodhimit dhe politikës në rajon, sipas banorëve indigjenë. Qyteti u braktis kur mbërritën spanjollët. Sot Ciudad Perdida përbëhet nga një seri prej 169 shkallësh me tarraca të gdhendura në anën e malit, një rrjet rrugësh dhe disa sheshe rrethore.

COLORADO, PYLI KOMBËTAR SAN JUAN – I vendosur në jugperëndim të Kolorados, Pylli Kombëtar San Juan është një vendpushim i njohur skish në muajt e dimrit me maja që arrijnë 4000 metra lartësi dhe nga të cilat mund të hyni në qarkun e shtegut të Kolorados. Në muajt e verës, ai bëhet një parajsë për alpinistët dhe çiklistët malorë.

ZELANDA E RE, QUEENSTOWN – Qyteti është pikënisja ideale për të eksploruar shkretëtirën e rajonit. Pas qytetit janë Skyline Mountain Bike Park dhe disa maja të famshme, duke përfshirë Boëen dhe Ben Lomond. Një kamp i mirë bazë ofrohet nga Liqeni Moke. Nga këtu mund të filloni të eksploroni në këmbë ose me biçikletë, mes pyjeve të harlisur dhe trupave të pastër kristal të ujit.

VENEZUELA- BRAZIL- GUJANA, MALI RORAIMA – Në majën e saj, në një lartësi prej 2800 metrash, takohen kufijtë e tre shteteve: Venezuela, Brazili dhe Guajana. Mali ka një formë kudhër kureshtare: alpinisti që arrin majën shpërblehet nga një kalim unik në botë, në savanën përreth dhe nga prania e një faune vërtet kurioze, me bimë mishngrënëse dhe bretkosa të vogla të zeza që nuk kërcejnë.

LESOTO, SEMONKONG – Gryka të thella, natyra ekstreme dhe ujëvarat e mrekullueshme Maletsunyane. Ndodhet në Lesoto, në rajonin Semonkong që përbën një enklavë të Afrikës së Jugut tërësisht mbi 1400 m lartësi. Mali më i lartë në rajon është Thaba Putsoa, ​​një destinacion për alpinistët dhe çiklistët malorë. Semonkong, emri i të cilit do të thotë “Vendi i tymit”, është një fshat i vendosur në luginat e vargmalit të thyer malor dhe një pikënisje e shkëlqyer për ekskursione në këtë rajon të largët dhe magjepsës.

KENIA, MOUNTI KENIA – Me afërsisht 5200 metrat e tij dominon shkretëtirën në jug të ekuatorit dhe është mali i dytë më i lartë në Afrikë, pas Kilimanxharos. Ka mure të pjerrëta, përgjatë të cilave ngjiten shtigje ekstreme ecjeje dhe me panorama absolutisht të jashtëzakonshme. Mali dhe rajoni përreth përbëjnë një zonë të mbrojtur natyrore, Parkun Kombëtar të Malit Kenia.