FIFA ka vendosur të shpërblejë klubet që lejojnë futbollistët e tyre të marrin pjesë në Kupën e Botës 2026, duke vënë në dispozicion një fond rekord prej rreth 355 milionë dollarësh.
Në kuadër të programit “FIFA Benefits”, çdo klub do të përfitojë të paktën 5 mijë dollarë në ditë për secilin lojtar të grumbulluar nga kombëtarja e tij gjatë turneut.
Përveç kësaj shume bazë, parashikohen edhe bonuse shtesë që do të llogariten në bazë të aktivizimeve në ndeshje dhe minutave të luajtura nga futbollistët.
Sipas FIFA-s, shuma përfundimtare që do të përfitojë secili klub do të përcaktohet vetëm pas përfundimit të kompeticionit, kur të jenë përllogaritur të gjitha të dhënat e pjesëmarrjes së lojtarëve.
Fondi i dedikuar për klubet është rritur ndjeshëm krahasuar me Kupën e Botës 2022 në Katar.
Rritja arrin në rreth 70 për qind, duke reflektuar angazhimin e FIFA-s për të kompensuar klubet që kontribuojnë me lojtarë në aktivitetet e kombëtareve.
Pothuajse një e treta e fondit total është rezervuar për periudhën e ndeshjeve kualifikuese.
© SYRI.net
Fanellë me mesazh politik, FIFA detyron Haitin të ndryshojë uniformën
Goditje e rëndë për Evertonin, duhet t’i paguajë klubit të Brojës 35 milionë paundë dëmshpërblim
Tunizi-Japoni në histori si ndeshja numër 1000-të e Kupës së Botës, ja sfidat e tjera jubilare!Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
