Mossadi akuzon regjimin iranian se po i shndërron xhamitë në depo armësh dhe seli ushtarake. Sipas një postimi në llogarinë e saj në gjuhën persi në X, mes raportimeve për kërcënime të drejtpërdrejta nga shërbimi sekret izraelit ndaj komandantëve iranianë, Mossadi dënoi përdorimin e xhamive për qëllime ushtarake si të turpshëm.
Mediat e huaja shkruajnë se, Mossadi tha se ky veprim është në kundërshtim të plotë me Islamin dhe çdo fe tjetër. Në postimin e tij, Mossadi theksoi se përdhosja e vendeve të shenjta ka qenë gjithmonë dhe do të vazhdojë të jetë vepër e së keqes që lufton kundër së mirës dhe e errësirës që lufton kundër dritës.
Duke iu drejtuar popullit iranian, Mossadi u bëri thirrje atyre të ndihmojnë në ekspozimin e natyrës së vërtetë të veprimeve të regjimit dhe në nxjerrjen në pah të të keqes që ai përfaqëson. Në postimin e tij, shërbimi izraelit i sigurisë u bëri thirrje qytetarëve të vazhdojnë të dërgojnë video me prova të veprimeve të regjimit brenda Iranit .
"Së bashku, ne do t'i mposhtim ata dhe do të ndërtojmë një të ardhme të re për Iranin! Shpirti i Iranit të vërtetë është më i fortë se çdo epokë dhe çdo qeveri", tha Mossadi.
Postimi përfshin gjithashtu një video që tregon fragmente nga Kurani dhe një thirrje të përsëritur për popullin iranian për të dërguar prova të shtypjes së regjimit, me imazhe që shfaqen duke treguar ushtarë të regjimit brenda një xhamie në sfond.
© SYRI.net
Mikel Oyarzabal në histori, i dyti lojtar me 3 kontribute për gol në 25 minutat e para në Botëror
Spanja publikon formacionin ndaj Arabisë Saudite, Yamal rikthehet titullar
Kritikat kundër Ronaldos, edhe trajneri i Portugalisë i del në mbrojtje: Në një ndeshje ku duhen gola…Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
