Sulmohet nga tifozët shefi i gjyqtarëve italianë, largohet nga stadiumi nën mbrojtjen e policisë

Polemikat në futbollit italian për vendimet e gjyqtarëve nuk kanë fund.

Shefi i gjyqtarëve, Xhanluka Roki, ka qenë në tribunë për të ndjekur ndeshjen e Serisë B mes Karrarezes dhe Katanxaros, por në fund të sfidës është detyruar që të largohet nën mbrojtjen e policisë, i sulmuar nga tifozeria vendase.

Ndeshja u mbyll me polemika për një gol me penallti të përsëritur në shtesë në favor të miqve që barazuan rezultatin në 3-3.

Kjo bëri që mbështetësit vendas të sulmonin fillimisht verbalisht Rokin e pastaj t’i afroheshin kërcënueshëm duke e rrethuar.

Situata u zgjidh me ndërhyrjen e forcave të rendit, të cilat shoqëruan jashtë impiantit dizenjatorin e gjyqtarëve në Itali, për të qetësuar disi turmën e inatosur, në një incident që tregon se sa është tensionuar futbolli përtej Adriatikut.

© SYRI.net

Lexo edhe:

• Neymar rikthehet në stërvitje me grupin, Brazili buzëqesh para sfidës vendimtare me Skocinë
• Mikel Oyarzabal në histori, i dyti lojtar me 3 kontribute për gol në 25 minutat e para në Botëror
• Spanja publikon formacionin ndaj Arabisë Saudite, Yamal rikthehet titullar