Jasir Asani ka lënë pas Iranin, vend i përfshirë në konflikt të armatosur me SHBA-të dhe Izraelin, duke u larguar në kohë nga situata e tensionuar.
Por para largimit, futbollisti i Kombëtares shqiptare ka bërë një gjest të madh human, duke ndihmuar edhe futbollistin e përfaqësueses së Maqedonisë së Veriut, Stefan Ashkovski, që të largohej nga vendi ku ishte braktisur nga klubi i tij.
Dy lojtarët janë takuar nga gazetarët e “Sport1” në aeroportin e Stambollit, ku kanë rrëfyer momentet dramatike të arratisjes. Ashkovski ndodhej rreth 15 orë larg Asanit, por arriti të bashkohej me të falë ndihmës së shoferëve të vënë në dispozicion nga klubi Esteghlal F.C., ku aktivizohet Asani.
“Ishim të ndarë deri në ditën e fundit. Kur jam atje, ka tre shoferë nga klubi që janë në dispozicion 24 orë për ne”, tregoi Asani.
Ndërkohë, Ashkovski përshkroi vuajtjet e tij, pasi klubi Mes Rafsanjan F.C. e kishte lënë në mëshirë të fatit.
“Udhëtova 15 orë nga Rafsajani në Teheran, pastaj drejt kufirit me Turqinë dhe më pas me avion në Stamboll. Kishte sulme kudo, edhe pranë meje. Nuk kisha ngrënë apo pirë për tre ditë. Klubi më braktisi. Po të mos ishte për Jasirin, nuk e di çfarë do të ndodhte”, u shpreh ai.
Një histori dramatike që përfundoi mirë, falë solidaritetit mes futbollistëve.
© SYRI.net
Neymar rikthehet në stërvitje me grupin, Brazili buzëqesh para sfidës vendimtare me Skocinë
Mikel Oyarzabal në histori, i dyti lojtar me 3 kontribute për gol në 25 minutat e para në Botëror
Spanja publikon formacionin ndaj Arabisë Saudite, Yamal rikthehet titullarBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
