Në heshtje, pa zhurmë, pa konferenca të bujshme. Vetëm një postim. Një ndarje që dhemb më shumë se një humbje në derbi. Florjan Përgjoni nuk është më pjesë e Tiranës.
Katër sezone, një shirit kapiteni, dhjetëra përballje me peshë dhe një vend në zemrën e tifozëve që nuk blihet me gola, por fitohet me karakter. Kaq i ka mjaftuar Përgjonit për të lënë një boshllëk që nuk mbushet kollaj.
Ai nuk ishte thjesht një mbrojtës. Ishte zëri që ngrihej kur skuadra binte. Ishte krahu që mbulonte shokun kur gabonte. Ishte fytyra e asaj Tirane që luftonte edhe kur nuk shkëlqente.
“Ka ardhur momenti të mbyll një kapitull shumë të rëndësishëm të karrierës sime”, shkruan ai. Fjalë që peshon më shumë se një trofe. Sepse nuk është e lehtë të lësh pas një klub, një qytet, një fanellë që e ndjen si lëkurën tënde.
Tirana mbetet pa kapiten. Por jo pa kujtime. Dhe jo pa plagë. Sepse jo çdo ditë largohet një udhëheqës që nuk e kishte nevojë për fjalë të mëdha, mjaftonte të shihje përkushtimin e tij në çdo dyluftim, në çdo ndërhyrje, në çdo ndeshje.
E ardhmja e Përgjonit? E hapur si një libër i ri, që pret faqen e parë. Por Tirana, pa të, do të duhet të shkruajë një kapitull të ri. Dhe do ta bëjë me një boshllëk në zemër. Sepse disa shirita, edhe kur hiqen, nuk harrohen kurrë.
© SYRI.net
VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
Messi lë të hapur derën për Botërorin 2030: Nuk e di, nuk po mendoj për këtë tani
Ronaldo dhe Karimov hyjnë në histori, Botërori regjistron një duel unik mes dy brezaveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
