Milani po lëviz fuqishëm në merkato, duke u fokusuar jo vetëm te shitjet, por edhe tek afrimet. Pas largimit të Reijnders te Manchester City, emri më i përfolur për mesfushën mbetet Granit Xhaka. Në këtë negociatë mund të përfshihet edhe Malick Thiaw, i cili mund të lëvizë në drejtim të kundërt.
Sipas “La Gazzetta dello Sport”, në orët në vazhdim pritet të intensifikohet dialogu mes Milanit dhe Bayer Leverkusenit. Megjithatë, operacionet për Xhakën dhe Thiaw mund të ndahen, pasi “Leverkusen ka nevojë urgjente për të rregulluar mbrojtjen”, ndërsa Milani synon të maksimizojë të ardhurat nga shitjet, pa e detyruar trajtimin financiar në buxhetin e sezonit 2024-25, por në atë pasardhës, pa paratë e Ligës së Kampioneve.
Xhaka ka treguar interes për kalimin te Milani, ndërsa dje u zhvillua takimi i parë mes klubit kuqezi dhe agjentit të tij, që dha një ide të qartë për qëllimet e palëve. Menaxherët Furlani dhe Tare kanë përparuar me bisedimet, duke negociuar kontratën që i skadon Xhakës me Leverkusen deri në vitin 2028, dhe po përpiqen ta rrisin pagën e tij nga 2.2 milionë euro neto në sezon.
Sa i përket Thiaw, Bayer Leverkusen e vlerëson mbrojtësin në 20 milionë euro plus bonuse, ndërsa verën e kaluar Milani kërkonte rreth 35 milionë për të.
© SYRI.net
VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
Messi lë të hapur derën për Botërorin 2030: Nuk e di, nuk po mendoj për këtë tani
Ronaldo dhe Karimov hyjnë në histori, Botërori regjistron një duel unik mes dy brezaveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
