Al Qadsiah ‘trondit’ Fiorentinën, gati të paguajë klauzolën e sulmuesit

Arabia Saudite po shtyn fuqishëm për sulmuesin italian. Fiorentina dëshiron ta mbajë, por në të njëjtën kohë po vlerëson edhe Dzekon dhe Immobilen.

Më 1 korrik nis periudha dyjavore gjatë së cilës, sipas kontratës, kushdo që paguan klauzolën prej 52 milionë eurosh për Moise Kean, mund ta blejë atë, me kusht miratimi të lojtarit, pa pasur nevojë për negociata me Fiorentinën. Kjo mundësi po merret në konsideratë nga klubi i Fiorentinës, pasi Al Qadsiah tashmë ka kontaktuar me përfaqësuesit e sulmuesit për të kuptuar nëse ai do të pranonte një destinacion në Arabinë Saudite.

Nga ana e saj, Fiorentina dëshiron të rinovojë kontratën e Kean-it, duke i rritur pagën dhe duke hequr klauzolën e lartpërmendur, por përpara mund të ketë edhe pengesa të tjera. Edhe në rast se Kean refuzon ofertat arabe, në garë për të janë edhe Manchester United dhe Fenerbahçe.

Sa i përket klubit të Mourinhos, në vëmendje është emri i Edin Dzekos, që lidh Fiorentinën dhe Fenerbahçen, pasi “violat” po e vlerësojnë boshnjakun (po ashtu edhe Ciro Immobile-n që është te Besiktasi) si një profil me eksperiencë për të zëvendësuar Kean-in. Kush e di, ndoshta ai mund të bëhet edhe sulmuesi kryesor i Piolit...

© SYRI.net

Lexo edhe:

• VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
• Messi lë të hapur derën për Botërorin 2030: Nuk e di, nuk po mendoj për këtë tani
• Ronaldo dhe Karimov hyjnë në histori, Botërori regjistron një duel unik mes dy brezave