Partizani ka finalizuar dhe prezantuar lojtarin e tretë për këtë merkato verore. Bëhet fjalë për mbrojtësin 26-vjeçar nga Kosta Rika, Carlos Martinez, i cili ka firmosur një kontratë 1-vjeçare me opsion rinovimi edhe për një sezon tjetër.
Martinez vjen në kryeqytet pas eksperiencës së fundit në klubin Alajuelense, një nga skuadrat më të njohura në kampionatin vendas të Kosta Rikës. Përveç aktivitetit në nivele klubesh, mbrojtësi ka qenë edhe pjesë e përfaqësueses së vendit të tij, duke sjellë eksperiencë dhe cilësi në mbrojtjen e “Demave”.
Partizani e ka bërë të ditur marrëveshjen me një komunikatë zyrtare, ku i uroi mirëseardhje dhe suksese Martinezit në sfidat që e presin me fanellën e kuqe.
“Jemi shumë të kënaqur të njoftojmë ardhjen e Carlos Martinez në familjen tonë. Ai është një lojtar i talentuar dhe besojmë se do të japë kontribut të rëndësishëm për skuadrën tonë në sezonin e ri,” – shkruan klubi në njoftimin zyrtar.
Ky transferim shënon një përforcim të rëndësishëm për mbrojtjen e Partizanit, ndërsa pritshmëritë janë që Martinez të përshtatet shpejt dhe të ndihmojë ekipin drejt sukseseve të mëtejshme.
© SYRI.net
VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
Messi lë të hapur derën për Botërorin 2030: Nuk e di, nuk po mendoj për këtë tani
Ronaldo dhe Karimov hyjnë në histori, Botërori regjistron një duel unik mes dy brezaveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
