Xhuliano Skuka është zyrtarisht pjesë e Partizanit, në një rikthim që pritej prej kohësh dhe që tashmë merr vulën zyrtare. Sulmuesi 26-vjeçar, pas aventurës në Rumani me Poli Iasi, kthehet në kryeqytet për të veshur sërish fanellën e kuqe, aty ku pati shpërthimin më të madh në karrierën e tij.
Partizani ka njoftuar se Skuka ka firmosur një kontratë 3-vjeçare, duke shtuar thellësi dhe cilësi në repartin ofensiv të skuadrës, që pritet të përballet me sfida të rëndësishme në arenën europiane këtë verë.
"Zyrtare, Xhuliano Skuka rikthehet në shtëpi", thuhet në deklaratën e klubit. "Pas eksperiencës në Rumani me Poli Iasi, sulmuesi do të jetë pjesë e të kuqve, duke konfirmuar edhe një herë se Partizani mbetet zgjedhja e vetme për të në Shqipëri."
Ky rikthim nuk është thjesht një përforcim, por një mesazh: Partizani po synon seriozisht suksesin dhe nuk ka ndërmend të bëjë kompromise me cilësinë. Me Skukën në sulm, “demat” shpresojnë të rigjejnë efikasitetin e munguar dhe të japin sinjale të forta në Kupat e Europës.
© SYRI.net
VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
Messi lë të hapur derën për Botërorin 2030: Nuk e di, nuk po mendoj për këtë tani
Ronaldo dhe Karimov hyjnë në histori, Botërori regjistron një duel unik mes dy brezaveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
