Pas transferimeve të suksesshme të Huijsen dhe Alexander-Arnold, Real Madridi i ka kthyer sytë drejt mesfushës, ku emri që po fiton gjithnjë e më shumë peshë është ai i Angelo Stiller, ‘regjisori’ 24-vjeçar i Stuttgarti-t.
Sipas burimeve të gazetës AS, edhe pse klubi "merengues" ende nuk ka bërë hapa konkretë, Stiller është nën monitorim të vazhdueshëm dhe lojtari është i entuziazmuar nga ideja e transferimit në “Santiago Bernabéu”. Një lëvizje e tillë do të përshtatej në mënyrë perfekte me projektin e ri të trajnerit Xabi Alonso, i cili njeh mirë futbollistin, pasi e ka përballur disa herë në Bundesligë.
Aktualisht, Stiller ka një klauzolë lirimi prej 36 milionë eurosh, por ajo mund të aktivizohet vetëm në vitin 2026. Stuttgart, që e bleu nga Hoffenheim-i për vetëm 5.5 milionë euro një vit më parë, është i gatshëm të negociojë shitjen menjëherë, me një çmim minimal prej 50 milionë eurosh. Nëse klubi dëshiron të anulojë klauzolën përpara vitit 2026, do të duhet t’i paguajë vetë lojtarit 2 milionë euro.
Një faktor kyç që mund të shtyjë marrëveshjen drejt realizimit është Volker Struth, menaxher i të dy lojtarëve: Stiller dhe Toni Kroos, i cili sapo është larguar nga futbolli. Vetë Kroos, një figurë shumë e respektuar në Madrid, mund të ndikojë pozitivisht në bisedime përmes një rekomandimi personal ndaj ish-klubit të tij.
Nëse gjithçka shkon sipas planit, Stiller mund të jetë pjesë e brezit të ri që do të marrë frenat e mesfushës së Real Madridit, në vazhdën e largimit të Kroos-it dhe ndoshta në partneritet me ‘yje’ si Camavinga dhe Valverde.
© SYRI.net
Turqia i kërkon FIFA-s përsëritjen e ndeshjes me Paraguajin, arsyeja
VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
Messi lë të hapur derën për Botërorin 2030: Nuk e di, nuk po mendoj për këtë taniBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
