FC Barcelona ka konfirmuar zyrtarisht rinovimin e kontratës së yllit të ri Lamine Yamal deri në vitin 2031, duke mbyllur kështu çdo spekulim për të ardhmen e tij. Marrëveshja u arrit pas disa ditësh negociatash intensive me përfaqësuesin e tij, Jorge Mendes, dhe u firmos në zyrat e presidentit Joan Laporta, në praninë e Deco-s dhe Rafa Yuste-s.
Yamal, vetëm 17 vjeç, kishte kontratë deri në vitin 2026, por për shkak të progresit të jashtëzakonshëm në fushë, klubi dhe lojtari ranë dakord për një kontratë të re që do të aktivizohet më 13 korrik, kur ai mbush 18 vjeç. Klauzola e prishjes mbetet 1 miliard euro, duke e bërë praktikisht të paprekshëm për klubet e tjera.
Me këtë lëvizje, Barça siguron të ardhmen e njërit prej talenteve më premtues në botë, i cili tashmë shihet si lideri i ardhshëm i skuadrës. Rinovimi vjen në një moment kyç, përpara pushimeve verore dhe pjesëmarrjes së Yamal me Spanjën në ‘Final Four’ të Nations League. Barcelonizmi mund të marrë frymë lirisht: e ardhmja është e blinduar.
© SYRI.net
FOTO/ E dashura e re e Yamalit, Ines Garsia në mbështetje të spanjollit: Forca dashuria ime!
Gilberto Mora hyn në histori të Meksikës dhe Kupës së Botës me rekordin e tij
Turqia i kërkon FIFA-s përsëritjen e ndeshjes me Paraguajin, arsyejaBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
