Keqardhje për titullin e humbur, Asllani me sytë nga Championsi: E sjellim në Milano trofeun

Mesfushori i Interit, Kristjan Asllani, foli për “Sky Sport” rreth finales së Ligës së Kampioneve, ku shpreson se do të fitojnë në Mynih dhe jo të dështojnë si para dy vitesh.

Ai gjithashtu u ndal edhe te titulli i humbur i Serisë A.

“Nuk dua të jem gënjeshtar, ende kemi keqardhje të madhe për titullin e humbur sepse ishte objektivi ynë që nga fillimi i sezonit. E dimë si është futbolli, tani kemi këtë ndeshje të shkëlqyer për t’u përgatitur, tani do të fillojmë të punojmë përsëri dhe të studiojmë kundërshtarin. Megjithatë, jemi të lumtur që kemi arritur deri këtu. Kompeticioni i Championsit është shumë konkurrues, është e vështirë të arrish deri në fund. E humbëm dy vjet më parë, duhet të hyjmë në fushë me vendosmërinë dhe ashpërsinë e duhur për ta sjellë në shtëpi këtë kupë”.

Sa forcë duhet për të gjetur guximin në një garë pa tërheqje?

“Le të themi se nëse kemi luajtur kaq shumë ndeshje, do të thotë se është bërë një punë e shkëlqyer. Kemi arritur në fund të gjithçkaje përveç Kupës së Italisë, sigurisht që nuk duhet të mendojmë se ka lodhje dhe askush nuk e mendon këtë. Në një ndeshje të tillë duhet të jesh i lirë mendërisht sepse nuk ndodh çdo ditë. Kemi një gjë për të bërë, ta fitojmë këtë trofe sepse mendoj se të gjithë e meritojmë, nga punëtorët e magazinës deri te lojtarët”.

Ndiheni të barabartë apo më të fortë se PSG-ja?

“Padyshim që ndihemi si një ekip i fortë, eliminimi i Bajern Mynih dhe Barcelonës ishte një gjë e vështirë dhe madje e pamundur për t’u menduar. Megjithatë, e dimë që kemi pasur një ecuri të mirë, duke pësuar pak gola, jemi të lumtur. Duhet ta shijojmë këtë, tani kemi këto 4-5 ditë për t’u përgatitur për ndeshjen”.

Sa forcë mendore të jep të dish se nëse ke hapësirë, mund ta shfrytëzosh sa më shumë?

“Kur luan në një ekip si ky, me kaq shumë ndeshje, duhet të jesh gjithmonë gati. Pastaj ka ndeshje ku nuk luan mirë, por jam i lumtur që i kam këta lojtarë në krah. Ky është një grup i jashtëzakonshëm djemsh dhe nuk po e them këtë sepse ka kamera, duhet të luaj për shokët e mi të ekipit, çfarëdo hapësire që kam, për gjithçka që kanë bërë për mua gjatë viteve. Le ta luajmë këtë lojë dhe të mendojmë për të sjellë në shtëpi atë që duam”, përfundoi Asllani.

© SYRI.net

Lexo edhe:

• FOTO/ E dashura e re e Yamalit, Ines Garsia në mbështetje të spanjollit: Forca dashuria ime!
• Gilberto Mora hyn në histori të Meksikës dhe Kupës së Botës me rekordin e tij
• Turqia i kërkon FIFA-s përsëritjen e ndeshjes me Paraguajin, arsyeja