Reali i Madridit konfirmon largimin e Luka Modric

Luka Modric do të luajë në fundjavë ndeshjen e fundit në shtëpinë e Real Madridit.

“Galaktikët” kanë zyrtarizuar vendimin për mbylljen e bashkëpunimit me 39-vjeçarin.

Eksperienca e fundit me Realin do të jetë në Botërorin e Klubeve.

Kështu, nga muaji korrik, nëse Modriç nuk tërhiqet nga futbolli, do të ketë mundësinë për tjetër aventurë.

I bashkuar me Realin në vitin 2012, Modriç u kthye në një nga lojtarët më të rëndësishëm.

Plot 28 trofe të fituar, që e kthyen në legjendë.

Kroati luajti 590 ndeshje me fanellën e “Los Blancos”, duke shënuar 43 gola.

Liga e Kampioneve dhe Botërori i klubeve u fituan nga gjashtë herë.

Triumfi në Superkupën e Europës erdhi pesë herë, katër La Liga, dy Kupa të Mbretit dhe pesë Superkupa të Spanjës janë dëshmi e suksesit.

Suksesi më i madh individual gjatë kohës si lojtar i Realit ishte fitimi i “Topit të Artë”.

Po ashtu lojtari më i mirë i FIFA-s dhe UEFA-s në vitin e paharrueshëm për të, 2018.

Vendimi ishte disi i papritur, pasi vetë Modriç kërkonte të vazhdonte bashkëpunimin për të paktën edhe një sezon.

© SYRI.net

Lexo edhe:

• FIFA merr vendimin drastik, pezullon federatën e këtij shteti
• FOTO/ E dashura e re e Yamalit, Ines Garsia në mbështetje të spanjollit: Forca dashuria ime!
• Gilberto Mora hyn në histori të Meksikës dhe Kupës së Botës me rekordin e tij