Legjendë e gjallë, kapiteni i përjetshëm i Milanit feston 65-vjetorin

Sot, një nga legjendat më të mëdha të historisë së futbollit italian dhe veçanërisht e Milanit, Franco Baresi, feston 65-vjetorin e lindjes. Për të gjithë tifozët kuqezi, ai do të mbetet gjithmonë kapiteni i përjetshëm, simbol i përkushtimit, besnikërisë dhe madhështisë në mbrojtje.

I njohur me nofkën “Piscinin” – “i vogli”, një pseudonim që e shoqëroi gjatë gjithë karrierës – Baresi ka shkruar histori me fanellën e Milanit, ku zhvilloi një karrierë 20-vjeçare të mbushur me suksese:

• 6 tituj kampionë në Serie A,
• 3 Champions League,
• 2 Kupa Ndërkontinentale,
• 2 Superkupa Evropiane
• 4 Superkupa të Italisë.

Numri i tij legjendar, fanella me numrin 6, është tërhequr nga qarkullimi si një akt nderimi për figurën e tij të pazëvendësueshme në historinë e klubit. Asnjë lojtar tjetër nuk do ta mbajë më, sepse pesha simbolike e Baresit është shumë e madhe për t’u zëvendësuar.

Franco Baresi ruante një lidhje të veçantë me ish-presidentin e ndjerë, Silvio Berlusconi, për të cilin shprehet:

"Shpesh mendoj për të, por për fat të keq nuk është më. Ai ishte një figurë që mungon, jo vetëm për mua, por për të gjithë. Karizma e tij të bënte të shihje përtej realitetit".

Mbi 700 ndeshje me Milanin dhe një lamtumirë emocionuese në vitin 1997, në moshën 37-vjeçare, e mbyllën një epokë të artë. Por zemra e tij mbeti kuqezi, sepse disa flamuj nuk bien kurrë.

Urime 65-vjetorin, Kapiten. Një ikonë që nuk vdes kurrë!

© SYRI.net

Lexo edhe:

• I theu këmbën kuandërshtarit në Botëror, futbollisti i Katarit pezullohet nga FIFA
• Këto janë 13 skuadrat e kualifikuara matematikisht deri tani nga faza e grupeve
• FIFA merr vendimin drastik, pezullon federatën e këtij shteti