Michael Schumacher debutoi në F1 me skuadrën e tij, ndahet nga jeta Eddie Jordan

Ish-pronari i ekipit Jordan në Formula 1, Eddie Jordan, ka ndërruar jetë në moshën 76 vjeçare. Irlandesi, i cili ka pasur një ekip në këtë sport midis vitit 1991 dhe 2005, ka vuajtur nga një kancer i agresiv i fshikëzës dhe prostatës dhe ka ndërruar jetë herët në mëngjesin e së enjtes.

Një deklaratë nga familja thuhet: "Me dhimbje të thellë njoftojmë ndarjen nga jeta të Eddie Jordan OBE, ish-pronar i ekipit të Formula 1, komentator televiziv dhe sipërmarrës. Ai ka ndërruar jetë paqësisht me familjen pranë tij në Cape Town, në orët e para të 20 marsit 2025.

EJ përçoi karizmën, energjinë dhe sharmin irlandez kudo që shkoi. Të gjithë kemi një boshllëk të madh pa praninë e tij."

Ai do t’u mungojë shumë njerëzve, por na la shumë kujtime të mrekullueshme që do të na mbajnë duke qeshur nëpërmjet dhimbjes sonë."

Ekipi i Jordan në F1 mbante emrin e tij dhe mori pjesë në 250 gara, duke fituar katër herë gjatë një periudhe 15-vjeçare.

Ai i mundësoi debutimin Michael Schumacher-it gjatë sezonit të tij të parë dhe punoi me emra të njohur si Damon Hill, Martin Brundle dhe Jean Alesi.

Më vonë, Jordan iu drejtua transmetimeve dhe u bë komentator televiziv fillimisht për BBC-në dhe pastaj për Channel 4, duke u bërë i njohur për stilin e tij të guximshëm dhe të drejtpërdrejtë të analizës.

Presidenti i F1, Stefano Domenicali, e nderoi Jordan-in, duke e quajtur atë një "protagonist" të sportit.

"Jemi thellësisht të trishtuar për humbjen e papritur të Eddie Jordan," tha Domenicali.

"Me energjinë e tij të pafund, ai gjithmonë dinte si t’i bënte njerëzit të qeshnin, duke mbetur i vërtetë dhe brilant në çdo moment. Eddie ka qenë një protagonist i një epoke të F1 dhe do të na mungojë shumë.

Në këtë moment dhimbjeje, mendimet e mia dhe të gjithë familjes së Formula 1 janë me familjen e tij dhe të dashurit e tij."

© SYRI.net

Lexo edhe:

• VIDEO/ Zvicra kalon në avantazh të dyfishtë ndaj Kanadasë, realizojnë Vargas dhe Manzambi
• Messi lë të hapur derën për Botërorin 2030: Nuk e di, nuk po mendoj për këtë tani
• Ronaldo dhe Karimov hyjnë në histori, Botërori regjistron një duel unik mes dy brezave