Marcus Thuram ka qenë një nga protagonistët e dy yjeve dhe po ashtu këtë sezon një nga lojtarët e pazëvendësueshëm për Simone Inzaghi-n. Një futbollist që gjatë dy viteve të fundit i ka habitur të gjithë, aq sa klauzola prej 85 milionë eurosh që në verën e vitit 2023 dukej gati e tepruar, sot konsiderohet si një mundësi fantastike për ekipet që kërkojnë një sulmues të kalibrit të djalit të Lilian Thuram, një mall i rrallë dhe mjaft i shtrenjtë në tregun e sotëm.
Për këtë arsye, tek Interi kanë më shumë se një ide për të përshtatur kontratën e Thuram, duke hequr opsionin e blerjes. Një operacion që mund të lehtësohet edhe nga Dekreti i Rritjes, për të cilin Thuram vazhdon të përfitojë: francezi aktualisht fiton 6 milionë euro në vit, një pagë që e vendos atë ndër lojtarët më të paguar të skuadrës, pas vetëm tri figurave kyçe të dhomës së zhveshjes si Lautaro, Barella dhe Calhanoglu.
Dekreti i Rritjes mund të ndihmojë në uljen e kostos bruto të kontratës së re për Tikus: duke supozuar një rritje prej një milion euro, duke arritur në 7 milionë euro neto, Interi do të paguante bruto vetëm 9 milionë euro.
© SYRI.net
Bosnjë Hercegovinë-Katar, publikohen formacionet zyrtare, vetë fitorja bën punë
Sassuolo siguron të ardhmen talentit shqiptar, firmos deri në vitin 2030
Ibrahimovic vlerëson Leao-n: Kur luan si ndaj Uzbekistanit, është një nga më të mirëtBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
